AF222a: 47v

ve daḫı aruʾı iptidā [!] açduġı vaqtde qurd aġzınuñ aşurı ṣalı‑vėresin aṣlā // kimesnenüñ arusı aña gelüb żarar eylemeye şöyle bilesin ve açduġı vaqt oq‑ile açub // ol qovanlıqda duta ḥıfẓ hīç bir oġuluñ yabana gitmeye
kimesne girmege qomayasın ve cenābetle içine girmeyesin ve naʿlcelü bābūc ile girmege sepetler // arasına qomayasın ve ḥayżlı ʿavret ve fitne ʿavret ḥaẕer ėdüb göstermeyesin ve öküz // necāseti ile sepeti ṣıvamayasın ve kimseye sepeti vėrmeyesin bu cümleden ḥaẕer ėtmek // gerekdür fāʾide qovanlar bal eylemek içün bu nüsḥaʾı [!] yazub qovanlıqda gömeler // daḫı gül aġacıñdan bir qazuq bir qarış qadar ola bu nüsḥanuñ [!] üzerine dikeler daḫı // qazuġuñ başına yılan başın ṣaplıyalar ādem gözinden gizlü ola qovan ġāyetle // eyü ola duʿā budur bi‑smi llāhi r‑raḥmāni r‑raḥīmi nādi ʿAlīyan maẓhara l‑ʿaǧāyibi [!] taǧidu ʿawman laka fī n‑nawāyimi [!] kullu hammim // wa‑ġammin sa‑yanǧalī bi‑ʿaẓamatika yā Allāhu wa‑bi‑nuwūwatika yā Muḥammadu wa‑bi‑wilāyatika yā ʿAlīyu yā ʿAlīyu yā ʿAlīyu ve baʿdehū // qovanuñ oġulları yabana gitmesün içün evvelā çıqan oġul her qanġı aġaca qonub dutulursa ol aġacı // burġu ile delüp lākin biri bir cānibe delmeyüp burġudan burġı gelen ḫurdeʾi daḫı düşürmeyüp alına dütün dütüle // oġul arılarından birin ol delik içine qoyup ol ḫurde ile doldurup daḫı olmış qovanuñ bal‑mūmıyla muḥkem pek // ėdesin hīc bir oġul yabana gitmeye ve daḫı nevʿ‑i dīger fāʾide arılar içünde yarasa başın ve kirpiʾi ve // qoyunlar qırqılduġı miqrāżı ve bir aʿmā dikenüñ ve bir ḫınzīr başı ve uyḫıda insānuñ urġanından bunlaruñ // cümlesi lāẕīmdür [!] ve daḫı büzge [?] gėcesi quşaq ile yatub ḥamūrla [!] el‑ile yapışub üzerine burġı ile açup çelik aşurı // geçüre baş barmaġa iptidā [!] yapışa ve yevm‑i meẕkūrda ḥamūr [!] eliyle qaç kerre yapışursa o qadar oġul vėrür ve gerdege giren qızuñ uçqur // yanında duta ġāyetle eyüdür

fāʾide elma yapraġı ṣıqılmasın zehr içen yāḫᵛud yılan ve ʿaqreb ṣoqmış ādeme keçi südi // ile içürseler her gīz [!] teʾs̱īr ėtmeye bi‑ḥikmeti llāhi taʿālā fāʾide ḫāşā cinn ṭutan ādeme bir dirhem pelin ve iki // dirhem ṣadef sāde rūġanla qarışdurub ol ḥall olduġı gibi burnı delüklerine ṭamzıralar ol // cinn helāk olub ol şaḫṣı ṭutmaya bi‑iẕni llāhi taʿālā ol ot ve bāġ bu mertebe ḫāṣṣalu // imiş mücerrebdür fāʾide ṭalaq içün eger dilkü etini baġlayalar iki gün ṭuza andan gidereler bi‑iẕni llāhi // ṭalaġı defʿ ėde ammā baġladuqları zamānda anuñ altına kücük ṭaş qoyalar tā ki yanlarına ṭalaq gitmeye